2016 jylǵy 21 qazan, Astana, Úkimet Úıi
Jekelegen qyzmet túrleriniń jáne tólem kartochkalaryn paıdalana otyryp tólemderdi qabyldaýǵa arnalǵan jabdyq (qurylǵy) qoldaný tizbesin bekitý jáne «Jekelegen qyzmet túrleriniń jáne tólem kartochkalaryn paıdalana otyryp tólemderdi qabyldaýǵa arnalǵan jabdyq (qurylǵy) qoldaný tizbesin bekitý týraly» Qazaqstan Respýblıkasy Úkimetiniń 2014 jylǵy
29 qazandaǵy № 1147 qaýlysynyń kúshi joıyldy dep taný týraly
«Tólemder jáne tólem júıeleri týraly» 2016 jylǵy 26 shildedegi Qazaqstan Respýblıkasynyń Zańy 39-babynyń 4-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan jekelegen qyzmet túrleriniń jáne tólem kartochkalaryn paıdalana otyryp tólemderdi qabyldaýǵa arnalǵan jabdyq (qurylǵy) qoldaný tizbesi bekitilsin.
2. «Jekelegen qyzmet túrleriniń jáne tólem kartochkalaryn paıdalana otyryp tólemderdi qabyldaýǵa arnalǵan jabdyq (qurylǵy) qoldaný tizbesin bekitý týraly» Qazaqstan Respýblıkasy Úkimetiniń 2014 jylǵy 29 qazandaǵy № 1147 qaýlysynyń (Qazaqstan Respýblıkasynyń PÚAJ-y, 2014 j. № 66, 613-qujat) kúshi joıyldy dep tanylsyn.
3. Osy qaýly alǵashqy resmı jarııalanǵan kúninen keıin on kúntizbelik kún ótken soń qoldanysqa engiziledi.
Qazaqstan Respýblıkasynyń Premer-Mınıstri B.SAǴYNTAEV
Qazaqstan Respýblıkasy Úkimetiniń 2016 jylǵy 21 qazandaǵy
№604 qaýlysymen bekitilgen
Jekelegen qyzmet túrleriniń jáne tólem kartochkalaryn paıdalana otyryp tólemderdi qabyldaýǵa arnalǵan jabdyq (qurylǵy) qoldaný tizbesi
R/s
№ Qyzmet túri
1 2
1 Avtomobılder men motosıklderdi kóterme jáne bólshek saýdada satý, olardy jóndeý jáne tehnıkalyq qyzmet kórsetý
2 Kóterme jáne bólshek saýda
3 Qonaqúılerdiń qyzmet kórsetýi
4 Meıramhana qyzmetterin kórsetý, tamaqtanýdy uıymdastyrýdyń ózge de túrleri men sýsyndar berý
5 Áýe jáne temirjol kóligine jol júrý qujattaryn (bıletterdi), bagaj jáne júk-bagaj túbirtekterin satý
6 Júkterdi kóliktik óńdeý, qoımaǵa jınaý men saqtaý jóninde qyzmet kórsetý, tasymaldaý jónindegi qosymsha kórsetiletin qyzmetter men júkterdi tasymaldaý jónindegi qyzmetter
7 Týrızm salasynda kórsetiletin qyzmetterdi usynatyn týrıstik operatorlardyń jáne ózge de uıymdardyń qyzmeti (týrıstik agentterden basqa)
8 Saqtandyrý salasyndaǵy qyzmet
9 Densaýlyq saqtaý salasyndaǵy qyzmet
10 Bilim berý salasyndaǵy qyzmet
11 Kınofılmderdi, beıne jáne televızııalyq baǵdarlamalardy taratý jónindegi qyzmet, kınofılmderdi kórsetý
12 Fıtnes, sporttyq klýbtar, dıskotekalar qyzmeti
13 Qumar oıyndaryn jáne bás tigýdi uıymdastyrý jónindegi qyzmet
14 Boýlıng (kegelban) jáne bılıard boıynsha qyzmet kórsetý
Eskertpe:
Kórsetilgen qyzmet túrlerin júzege asyratyn jerlerde tólem kartochkalaryn paıdalana otyryp tólemderdi qabyldaýǵa arnalǵan jabdyq (qondyrǵy) ornatý men qoldanýdy qamtamasyz etý, sondaı-aq tólem kartochkalaryn paıdalana otyryp qabyldaý ózi óndirgen aýyl sharýashylyǵy
ónimderiniń, ózi óndirgen akvaósirý (balyq aýlaý) ónimderiniń kóterme jáne bólshek saýdasy salasynda kyzmetin júzege asyratyn dara kásipkerlerge jáne (nemese) zańdy tulǵalarǵa; stasıonarlyq emes saýda obektileri arqyly júzege asyrylatyn kyzmetke qoldanylmaıdy.